8. klassingane veit mykje om Ryfylke!
Årets ryfylkequizturne er godt i gong, og etter å ha besøkt 4 av 7 ungdomsskular er konklusjonen at ungdommen i dag veit ganske mykje om Ryfylke! Elevane i 8. klasse blir testa i alt frå geografi til politikk, og det er ingenting å utsetja på verken innsatsen eller kunnskapen. Suldal, Tau, Hjelmeland og Finnøy har fått vist kva dei kan. Denne veka er det Forsand, Jørpeland og Sauda som skal i ilden. Eit lag frå kvar skule får delta i den store ryfylkefinalen som skal stå på Jørpeland fredag 8. juni.
Og premiane er det også dette året Hjelmeland Sparebank som står for.
Bilete på framsida viser vinnarlaget i Suldal som hadde valgt det treffande namnet «Suldal Winners». Biletet oppe til høgre viser «Team Eidur» frå Tau Ungdomsskule.
