Tronskifte i Ryfylkealliansen

Om det er dronninga som abdiserer og prinsessa som overtar, skal vera usagt.

Uansett er det slik at Marit Larsen frå Suldal Vekst (t.v på biletet) overtar som styreleiar i Ryfylkealliansen etter veteranen Margoth Sundsbø frå Sauda vidaregåande skule. Margoth har sete i styret i Ryfylkealliansen i godt og vel åtte av dei ti åra alliansen har eksistert, deriblant fleire periodar som leiar. Nå har derimot Margoth fått fortent avløysing. Marit Larsen har vore med i styret dei to siste åra. Ho er prosjektleiar, utviklar, pådrivar, propell og alt mogleg i Suldal Vekst, og har mellom anna vore drivkrafta bak Ryfylkedagane i fleire år.

 

Med seg i styret får Marit:

Helge Kjellevold (Lysefjorden Utvikling) – ny

Oddvar Vignes (Øyposten)

Elin Rydningen (Blomen Hage og Landskap)

Helge Malmberg (Strand vgs) – ny

Asbjørn Birkeland (Sauda kommune)

Brynjar Sauda (Suldal kommune) – 1. vara

Hogne Fjellanger (Tau Næringspark) 2. vara

Valet blei halde under årsmøtet til Ryfylkealliansen 11. april