Finalen i konkurransen «Norges flottaste juletre» gjekk av stabelen i Juletrebyen Jørpeland i går, torsdag. Det er fjerde året at konkurransen blir arrangert, og for andre året var finalen i forbindelse med opning av Juletrebyen på Jørpeland.16 tre frå ulike stader i landet var med i konkurransen, og det var altså eit tre frå Ryfylke som gjekk av seieren.
-Juryen var aldri i tvil, sa juryformann Tone Ingebritsen. (bildet)
Olav Ravnås frå Bjørheimsbygd har jobba med juletre i 25 år, og var svært nøgd etter seieren. I fylgje Stavanger Aftenblad reknar han med å senda avgarde rundt 10 000 tre denne jula. Du kan lese saka i Stavanger Aftenblad her (abonnement). Og her kan du sjå NRK Rogaland sin reportasje frå konkurransen (ca 3.20 ut i sendinga)
Vinnartreet blir plassert i ein monter på torget på Jørpeland, og vil såleis gleda mange fram mot jul. Saman med dei mange andre juletreinstallasjonane i Juletrebyen Jørpeland.
Foto av vinnaren: Ryfylke Livsgnist
Foto frå Juletrebyen Jørpeland: Strandbuen
