Ryfylkequiz 2021
Hjelmeland stakk av med seieren i den store finalen i Ryfylkequizen 2021. Eit skyhøgt nivå og spenning heilt til siste slutt, kan ein vel sei oppsummerer superfinalen. Fekk du ikkje med deg finalen live? – Fortvil ikkje! Sjå finalen frå 2. juni her.
Live – sendinga er gjort mogleg ved hjelp av alle Ryfylkekommunane samt Hjelmeland Sparebank.
Sjå den store finalen i Ryfylkequiz 2021 her!
Sendinga startar 42 sekund ut i filmen
Høyr kva vinnarlaget Hjelmeland hadde å seie rett etter siger i Superfinalen!
Kvar vår dei siste åra har Ryfylkealliansen reist rundt til dei ulike ungdomsskulane i Ryfylke med mål om å læra 8. klassingane om Ryfylke. Om historia til Ryfylkeregionen, geografi, kultur, politikk, identitet og så vidare. Og så har me testa ungdommane ved hjelp av quiz etterpå. Først på kvar skule, og så i ein stor ryfylkefinale der kvar skule er representert med eit lag på tre elevar.
Og jammen kan dei mykje, 8. klassingane!
Hjelmeland Sparebank er med på laget, og deler ut pengepremiar til dei tre beste laga. I vår er det sjuande året at ryfylkequizen blir arrangert. Covid-19 tvinga fjorårets skulefinale på direktesending. Direktesendinga vart verkeleg ein suksess – ein suksess me fortset med i 2022.
KVA MÅ EIN KUNNA?
For at 8.klassingane skal kunne forberede seg godt til Ryfylkequizen, får dei utdelt eit pensum med fakta om Ryfylke. Det skyhøge nivået ungdommane har vist på Ryfylkequizen dei siste åra gjer at årets pensum er større og vanskelegare en nokon gong!
Vil du sjå kva våre dyktige 8.klassingar må kunne i år? Eller vil du berre lære meir om Ryfylke? Under finn du pensumet til Ryfylkequizen 2021!
Sendinga er gjort mogleg ved hjelp av:
Me diggar Ryfylkequizen og Ryfylkeungdomen
Me bryr oss om framtida. Derfor bryr me oss om ungdomen i Ryfylke. Sjølvsagt er me i Hjelmeland Sparebank med når Ryfylkealliansen byr opp til Ryfylkequiz. Det er ei stor ære å vera medspelar når Ryfylke sine 8. klassingar konkurrerer om kven som veit mest om regionen dei bur i. Banken har vore med sidan starten av Ryfylkequizen i 2016. Me har late oss imponera av alt ungdomen kan og engasjerer seg i når det gjeld Ryfylke. Så er det stas for oss som bank å få gje ungdomane litt startkapital til det vaksne livet, ettersom me gjev pengepremiar til dei tre beste laga i quizfinalen. Det største ønsket vårt, er uansett at dei som nå veks opp ser ei framtid i Ryfylke. Det er sunt å koma seg ut, få seg utdanning og erfaring. Men, me vonar dagens ungdom ser moglegheitene i å koma tilbake til Ryfylke. Neste gong me møter desse quizfinalistane, spør dei kanskje om lån for å etablera seg i Ryfylke? Då vil me i Hjelmeland Sparebank satsa på dykk igjen! Lukke til med årets Ryfylkequiz. Me følgjer med og er tett på.
Susanna Poulsen
Banksjef Hjelmeland Sparebank
Klar – ferdig – quiz!
Sand skuleKF-skolen JørpelandFinnøy skuleNå skjerpar ryfylke-ungdomen sansane. For avspark til årets Ryfylkequiz er tatt. Det er berre til å kosa seg med masse fakta og funderingar om Ryfylke. Det er eit sikkert vinterteikn, som etter kvart gjev ein ny vår. For...
Direktesendt quiz – sterk auke i sjåartal!
Me elskar Ryfylkequiz. Men endå meir elskar me direktesendt Ryfylkequiz! Takka vera koronarestriksjonar, såg me oss nøydde for å senda quizfinalen 2020 digitalt. Denne direktesendinga av finalen i Ryfylkequizen vart ein enorm opptur! Superfinalen direkte frå Årdal,...
Me gratulerer «MAS» med siger i Ryfylkequiz
Etter ein nervepirrande finale, med SKYHØGT nivå og spenning heilt til siste slutt, har me kåra vinnarane i Ryfylkequiz 2021! Me gratulerer "MAS" frå Hjelmeland med ein vel fortent siger! Vinnarlaget "MAS" frå Hjelmeland Etter fjorårets skyhøge nivå , var finalen laga...
Her er finalelaga til Superfinalen
2. juni, dagen me alle har venta på, nærmar seg med stormskritt. Ja, dagen den store quizfinalen på Forsand skjer. Dagen der alt 8.klassingane har pugga og lært om Ryfylke dei siste månadane, skal testast. 2.juni, finalen der Ryfylkeskulane skal kjempe mot kvarandre...
Quiz-sterke finnøybuar
Endeleg var siste lag klare for quizfinalen. Ein utsett skulefinale på Finnøy, grunna raudt smittenivå i Stavanger, kunne til slutt haldast. Og ja, finnøybuen er også skarpe i kunnskap om Ryfylke. Dette var skulen som har levert best snittresultat av alle skulane. I...
Sofajubel på KF
«Andreas sine slaver» er lag åtte som er klare for den store quizfinalen 2. juni. Sindre Erevik, Sander Espedal og Kristina Sandvik meiner tydelegvis at skulekvardagen med lærar Andreas Neverdahl kan vera tøff. Men, ikkje tøffare enn at dei med godt humør og glimt i...
Kva veit du om Ryfylke?
Quiz deg til flotte premiar frå Ryfylke! Kvart år kjempar 8.klassingane i Ryfylke i den store Ryfylkequizen. Ryfylkealliansen reiser rundt til dei ulike ungdomsskulane i Ryfylke med mål om å læra 8. klassingane om Ryfylke. 8.klassingane får også eit innhaldsrikt...
Fleire glupingar klare for TV-finalen
Kunnskapsnivået er framleis stort, når me held fram skulefinalane rundt om i Ryfylke. Sist veke blei ny finalistar klare for den store Ryfylkequiz-finalen 2. juni. Nå er laga frå både den største og den minste ungdomsskulen i Ryfylke klare. Med Jørpeland ungdomsskule...
Vel gjennomførte skulefinalar på Tau og i Sauda!
Me er nettopp ferdige med skulefinalane i Ryfylkequizen på Tau og i Sauda. Sauda og Tau var dei skulane som i fjor kapra første og andreplassen i superfinalen. Difor var forventingane høge til desse skulane, men du som dei innfridde! Les under korleis skulefinalane på...
Første skulefinalar unnagjort
Skulefinalane for 8.klassingane i Ryfylke er i gong! Førre veke vart skulefinalane i Ryfylkequizen haldne på Sand, Forsand og Hjelmeland. Elevane ved dei tre skulane viste ein enorm innsats, god lagånd og ikkje minst imponerande kunnskapsnivå. Dette gjer at me...