«All time high»- inntak ved Strand vgs

sep 8, 2020 | Framside, Nyhende, Ryfylkealliansen

Ca 640 elevar starta skuleåret på Strand videregående skole denne hausten. Det er «all time high»!

Helge Malmberg er avdelingsleiar på skulen. – Det var litt ut og inn med elevar dei første dagane, men det er stort sett fulle klassar på alle tilbod, og ventelister på fleire. Romkapasiteten på skulen er sprengd, og me leiger lokaler eksternt i tillegg til at nyvinninga VG2 Automasjon for det meste oppheld seg hjå den lokale verksemda Comrod.

På same måte som i samfunnet elles må det gjerast ulike tiltak i forhold til smittevern også på skulane. Matfriminutt til ulike tider, spriting av hender ved alle inngangar og klasserom og forsterka reinhald på kritiske stader er berre nokre av tiltaka som er satt i verk.
– Elevane blir oppfordra til å halda seg mest mogleg anten i klasserommet eller ute i friminutt. I tillegg blir dei bedt om å vera forsiktige på skuleskyssen og i fritida elles. Så håpar og trur me at elevane tar ansvar, og at me på kan unngå eit smitteutbrot, seier Malmberg. – Det blir sjølvsagt noko meirarbeid for både elevar og tilsette, men folk er sporty og trør til for at alle skal ha det best mogleg. Optimismen rår, som alltid, på Strand. Og me jobbar som vanleg hardt for å få fram «Det beste i den enkelte», slik visjonen vår seier.

Sjølv om det har vore mange koronatiltak og ikkje alt er som brukar å vera, så har klassane vore på Bli kjent-tur. VG2 Industriteknologi var på tur til Strandastøa. Då hadde ein av elevane like godt med seg ein svær badeflamingo, og aggregat for å få blåst han opp. Flamingoen blei sjøsatt, og måtte etterkvart hentast med båt…

Arkiv

Relaterte innlegg

Optimisten trur på opptur

Optimisten trur på opptur

- Akkurat nå sit eg på gjerdet og ventar på at det losnar. Då trur eg det blir ein bra sommar, seier Kai Risa på Rennesøy. Han er klar for aktivitet og bubilar.Kai Risa har styrt Sjøberg Ferie i over halvparten av dei 21 åra verksemda har eksistert. I sjøkanten på...

Kva veit du om Ryfylke?

Kva veit du om Ryfylke?

Quiz deg til flotte premiar frå Ryfylke! Kvart år kjempar 8.klassingane i Ryfylke i den store Ryfylkequizen. Ryfylkealliansen reiser rundt til dei ulike ungdomsskulane i Ryfylke med mål om å læra 8. klassingane om Ryfylke. 8.klassingane får også eit innhaldsrikt...

Vel verd å feira eittåring

Vel verd å feira eittåring

Med bakvarer, komler, varme smil og nystrokne t-skjorter feira Ryfylke Bakeri og Konditori eit år i nye lokale på Tau. Og folk blei med på festen.- Det har vore ein kjekk, travel dag. Ja, godt med folk frå morgon til kveld, og meir gjestar og pengar i kassen enn ved...

Pin It on Pinterest

Share This