Opplev blomar og dyr på Talgje

mai 22, 2020 | Framside, Nyhende, Ryfylkealliansen

Øya Talgje er ikkje så stor, men jammen rommar den både ein flott familiepark og eit bugnande gartneri som får folk til å ta vegen gjennom tunnelen!

Fiolen Familiepark ligg aust på øya med flott utsikt over fjorden. Her kan ein oppleva nærkontakt med både gardsdyr som sauer, griser og kaniner, og litt meir eksotiske dyr som reinsdyr og lama.
Parken opna for sesongen 1. mai, og har hatt stigande antal besøkande etter det, fortel Magne Østebø, som driv familieparken på garden sin.
– No har vi opna opp for bestilling for grupper som bursdagsselskap, barnehagebesøk, skuleklasser og liknande og det har vi fått ein del av allereie. Vi er jo sjølvsagt svært spente på denne sesongen i og med at me mista ein god måned med blant anna påskebesøk. Men vi håpar at vi kanskje kan ta noko av det igjen utover sommaren sidan folk blir oppfordra til å ta ferien i Norge i år.
Magne kan også fortelja at nyklekte kyllingar og nyfødte kaninunger er klar for kos, blomsterbeda er fylt opp med blomster og isen er komt i fryseboksen.

Ikkje langt frå parken er det fullt liv også i Gard gartneri. – Ja, her har det faktisk vore full gang sidan me opna, fortel Jostein Gard. Dette til tross for at det ikkje kjem bussar med kjøpelystne gjester i år.
– Me hadde godt og vel 20 bussar som hadde meldt sin ankomst i mai og juni, men dei er avlyst alle saman. Men folk har istadenfor komt i mindre grupper med bilar, og har handla godt. Det er ingen tvil om at det kjem til å bli mange fine hagar rundt omkring i år, smiler Jostein.

Fekk du lyst å ta ein tur til Talgje? Sjekk www.fiolenfamiliepark.no og www.gardgartneri.no for meir informasjon!

Arkiv

Relaterte innlegg

Ryfylke sjarmerte sommar-Norge

Ryfylke sjarmerte sommar-Norge

I strålande sol, eit mylder av folk og fantastiske omgjevnader snirkla NRK sin sommarbil seg frå Saudafjellet til Lysebotn sist veke. Time etter time blei heile Norge kjent med store delar av kjente og ukjente stader i Ryfylke. Ein marknadsverdi for regionen som ikkje...

Ryfylke ut til alle

Ryfylke ut til alle

Det er all grunn til å leggja ferien sin til Ryfylke. Nå lanserer me ein storstilt kampanje med 12 filmar frå ulike stader i Ryfylke, stader me er sikker på du vil ha glede av å besøkja. Bli med når våre 12 vertar viser deg sine kjente og ukjente skattar frå sine...

Fest i 20 den 20. i 2020

Fest i 20 den 20. i 2020

Nå er det klart for feiring på Rennesøy. Og for Sjøberg Ferie på Østhusvik er talet 20.- Me opnar igjen med sommarkafé laurdag 20. juni. Det passar godt når me fyller 20 år i år, og det i 2020, smiler dagleg leiar Kai Risa. Opninga er etterlengta. Som mange andre...

Pin It on Pinterest

Share This