Hovlandsnuten Opp i Sauda får nok ein gong status som Norgescupløp. Det populære motbakkeløpet som kvart år går opp til 931 meter over havet, er blant dei mest prestisjefylte løpa i sitt slag i Norge. I alt fem løp i Norge får årleg slik status. – Me er svært glade for å få arrangera Norgescupløp i 2019 og håpar å få sjå Noreg sine beste motbakkeløparar i Sauda, seier løpsgeneral Per Inge Fjellheim. Løpet går av stabelen laurdag 8. juni i år, og er eit norgescupløp for tredje året på rad.
Men det er ikkje berre dei aller beste løparane som kan delta. Det blir også mosjonsklasse, og arrangøren håpar på mange trimmarar og barnefamiliar på tur langs heile løypa. Det blir som vanleg barneunderhaldning i løypa på Hovlandsstølen. Mange løparar seier at dei får eit ekstra løft når dei spring gjennom dette området som er fylt med glade og spreke born, i følgje arrangøren.
Hovlandsnuten opp ønskjer velkommen til ein ny løpsfest for store og små.
Oversikt over norgescupløpa finn de her:
https://www.friidrett.no/
Alle foto: Nils Tungland
