Den beste maten kjem frå Ryfylke

jan 13, 2020 | Nyhende

Me vågar å vera litt store i kjeften. Men, med tanke på råvarer, produkt, produsentar og kokkar er Ryfylke absolutt i toppsjiktet i Norge. Det var inga unnatak då finalen i Det norske måltid blei arrangert fredag 10. januar. I følgje juryen er den beste sjømaten og kjøtet frå Ryfylke.
Mikal og Astrid Viga vann prisen i kategorien «Årets sjømat foredla». Foto: Bitmap

Astrid og Mikal Viga har i vel 20 år produsert røykelaks frå sitt røykeri på Skiftun i Hjelmeland kommune. Det er blitt mangfaldige prisar og medaljar på ekteparet frå Ryfylke. Nå er neste pris sett på peishylla. Under Det norske måltid vann dei prisen for «Årets sjømat foredla» for produktet «Absolutt tradisjon», som er ein einerrøykt laks frå Mikals Laks, eller King Mikal Salmon som mange seier. To svært glade laksar kunne stolt lytta til juryen si grunngjeving: «Produktet blir presentert i ein eksklusiv emballasje som er noko utypisk for denne typen produkt. Informasjonen om produktet si historie og kor produktet kjem frå, er godt kommunisert. Produktet luktar friskt og har ein kompleks, men balansert smak. Dette er eit skikkelig handverksprodukt laga med kunnskap og kjærleik. Produktet er produsert på tradisjonsrike oppskrifter tilbake til 1870-tallet.»

Nyfiken på meir laks? Sjekk då https://kingmikal.no/

Anne og Harald Strand frå Strand Gard mottok prisen for Årets kjøt. Foto: Det norske måltid
Svina god gris frå Tau

På Tau i Strand kommune gliser eit anna ektepar godt om dagen. Anne og Harald Strand var minst like stolte då dei mottok prisen «Årets kjøt» frå scenen i Stavanger. Anne og Harald satsar både fugl og kjøt. Mange har kanskje smakt vaktelegg eller vaktlar frå Strand Gard. Nå var det gris som blei premiert i den 12. utgåva av det norske måltid. Svinenakken av Mangalitsa-gris, fekk juryen til å bruka desse store orda: «Vinnarproduktet har ein delikat farge, kjøtet har herleg konsistens og god tyggjemotstand. Smaken er fyldig og kjøtet gjev ein saftig og god kjensle i munnen. Vinnarproduktet er utruleg mørt, perfekt marmorert og dommarane synest det smaker nydeleg. Produsenten representerer ei spennande produksjon som er på framgang i Norge og som gjev råvarer med unik kjøtkvalitet.»

Lyst på meir svinnenakke? – sjå då https://www.strandgard.no/

Arkiv

Relaterte innlegg

Optimisten trur på opptur

Optimisten trur på opptur

- Akkurat nå sit eg på gjerdet og ventar på at det losnar. Då trur eg det blir ein bra sommar, seier Kai Risa på Rennesøy. Han er klar for aktivitet og bubilar.Kai Risa har styrt Sjøberg Ferie i over halvparten av dei 21 åra verksemda har eksistert. I sjøkanten på...

Kva veit du om Ryfylke?

Kva veit du om Ryfylke?

Quiz deg til flotte premiar frå Ryfylke! Kvart år kjempar 8.klassingane i Ryfylke i den store Ryfylkequizen. Ryfylkealliansen reiser rundt til dei ulike ungdomsskulane i Ryfylke med mål om å læra 8. klassingane om Ryfylke. 8.klassingane får også eit innhaldsrikt...

Vel verd å feira eittåring

Vel verd å feira eittåring

Med bakvarer, komler, varme smil og nystrokne t-skjorter feira Ryfylke Bakeri og Konditori eit år i nye lokale på Tau. Og folk blei med på festen.- Det har vore ein kjekk, travel dag. Ja, godt med folk frå morgon til kveld, og meir gjestar og pengar i kassen enn ved...

Pin It on Pinterest

Share This