For første gong sender Ryfylkepuls direkte, eller live om du vil.
Ryfylkealliansen sender Ryfylkepuls direkte torsdag 25. mai kl. 18.00 frå Sauda. Me spenner i gang Saudadagane med gjestar, herlege innslag frå heile Ryfylke, festivalfeber, ungdomsglede, industrihistorie, matgleder og solid glimt i auge. Ein heil time direkte på fleire digitale flater. Entusiasme og engasjement er stikkorda. Og når det er snakk om entusiasme, så kjenner du det i heile festival-Ryfylke. Eller kva med ungdomane ved Strand vidaregåande skule som satsa på dataspel som ungdomsbedrift, og vann pris for beste sosiale entreprenørskap. Smelteverket i Sauda har eit spesielt hundreårsjubileum, ungdomen fortel kva som er så herleg med plassen ein bur på, me får sommarmat og latter, og skikkeleg tvekamp, gåvedryss og ein propell av ein industrigründer frå Tau. Det er så mange grunnar for å få med seg Ryfylkepuls. Og den viktigaste: Kjenn på entusiasmen i Ryfylke. Heng deg på, bli med og engasjer deg gjerne undervegs.
Torsdag 25. mai kl. 18.00 direkte – eller i etterkant når du vil.