Dramatisk quizfinale i Sauda

sep 28, 2020 | Framside, Nyhende, Ryfylkealliansen, Ryfylkequiz

Vinnaren i Ryfylkequiz-finalen i Sauda, blei først klar på over, over, over, overtid. Jubel for somme, bittert for andre.

Det var historisk mange spørsmål som måtte til før dei tre på laget LKT kunne strekkja hendene i veret fredag 25. september. Arenaen var Sauda ungdomsskule, og hendinga var skulefinalen. Tre lag i finalen, og LKT og De Intelligente var umoglege å skilja etter alle finalespørsmåla. Det blei eitt, det blei to, det blei tre, ja det blei fire ekstraspørsmål, før Bjørn Eidsvåg og Gammal Drøm blei avgjerdande. Liva Sørnes, Kristiane Teig og Toralf Garatun Rusten klarte musikkspørsmålet etter at laga hadde følgd kvarandre som skuggar gjennom 29 oppgåver.

LKT er dermed klare for den store quizfinalen, der dei møter vinnarane frå sju andre ungdomsskular i Ryfylke. Quizen er for elevar som i år fyller 14 år, og storfinalen frå Årdal i Hjelmeland blir sendt direkte for alle på www.ryfylke.no

Frå venstre; Kristiane Teig, Toralf Garatun Rusten og Liva Sørnes.

Arkiv

Relaterte innlegg

– Eit ellevilt eventyr

– Eit ellevilt eventyr

Orda er store og engasjementet gedigent. Suldal Bad leverer og set seg nye store mål, trass eit år med smitterestriksjonar.- Suldal Bad er prikken over i-en av det du kan oppleva i Suldal. Derfor skal me scora høgt på vertsskap, understrekar Bonolo Ramphomane-Aandahl....

Humorsuksess frå Ryfylke

Humorsuksess frå Ryfylke

To løgne karar jakta ryfylkehumor i fjor. Det blei det bok av. Og bortimot heile opplaget forsvann. Løye nok.Når du møter Leif Arild Steen og Jon Arne Helgøy i lag er det ikkje akkurat ein sakleg og fornuftig tone over samtalen.- Høyr her Leif Arild, viss me skal ha...

– Heldige, trass alt

– Heldige, trass alt

Strålande føre. Fantastisk vêr. Stort trøkk … og desperate folk. Å driva skitrekk i koronatider er ikkje noko for den med dårleg hjarte.- Fytti grisen for ein god periode me har hatt. Nei, det er ikkje kvar januar og februar me har hatt det slik. I fjor på denne tida...

Pin It on Pinterest

Share This