Fest i 20 den 20. i 2020

jun 5, 2020 | Framside, Nyhende, Ryfylkealliansen

Nå er det klart for feiring på Rennesøy. Og for Sjøberg Ferie på Østhusvik er talet 20.
– Me opnar igjen med sommarkafé laurdag 20. juni. Det passar godt når me fyller 20 år i år, og det i 2020, smiler dagleg leiar Kai Risa.

Opninga er etterlengta. Som mange andre serveringsbedrifter har koronarestriksjonane slått hardt ned også i idyllen på Rennesøy.
– Det er klart me har merka situasjonen godt. Me har likevel produsert litt mat som Coop-butikken i Østhusvik har selt vidare. Og så har me hatt ein del catering og faktisk ein del overnatting. Men, i forhold til det som var bestilt, er det sjølvsagt lite. Me snakkar om 67 prosent nedgang frå i fjor, fortel Kai Risa.

Sjøberg Ferie satsar på fleire segment. Overnatting i trivelege leilegheiter og hotellrom er blitt populært, og nærare strandkanten kjem du knapt. I tillegg er store og små selskap, konferansar og kurs blitt solide bein å stå på for Risa og co. Og sist, men ikkje minst, er satsinga på lokal mat vore viktig. Sjølv om våren er blitt unnataksvåren, ser Kai Risa absolutt lys i ein stadig kortare tunnel.
– Det er utan tvil meir som rører seg i marknaden nå. Og eg trur mange vil nytta høvet til å bestilla overnatting og mat framover. Me kan ikkje ha dei store selskapa endå, men me kan servera mange innanfor reglane som nå gjeld. Derfor går me i gang med sommarkafeen frå 20. juni. Då blir det ope her kvar dag fram til skulestart i august igjen, seier Kai Risa.

Sjølv har han styrt Sjøbergskuta i 10 av dei 20 åra verksemda har eksistert. Og den 20. juni 2020 er det altså sommarkaféopning. Kanskje ein ekstra liten fest kl. 20.20 i det året ein fyller 20?
– Me ønskjer alle velkomne, enten det er overnattingsgjestar, lokalbefolkning, båt- og bubilturistar. Me ligg lett tilgjengeleg både frå sjøen og vegen, avrundar Kai Risa.

Arkiv

Relaterte innlegg

Ryfylke sjarmerte sommar-Norge

Ryfylke sjarmerte sommar-Norge

I strålande sol, eit mylder av folk og fantastiske omgjevnader snirkla NRK sin sommarbil seg frå Saudafjellet til Lysebotn sist veke. Time etter time blei heile Norge kjent med store delar av kjente og ukjente stader i Ryfylke. Ein marknadsverdi for regionen som ikkje...

Ryfylke ut til alle

Ryfylke ut til alle

Det er all grunn til å leggja ferien sin til Ryfylke. Nå lanserer me ein storstilt kampanje med 12 filmar frå ulike stader i Ryfylke, stader me er sikker på du vil ha glede av å besøkja. Bli med når våre 12 vertar viser deg sine kjente og ukjente skattar frå sine...

Opplev blomar og dyr på Talgje

Opplev blomar og dyr på Talgje

Øya Talgje er ikkje så stor, men jammen rommar den både ein flott familiepark og eit bugnande gartneri som får folk til å ta vegen gjennom tunnelen! Fiolen Familiepark ligg aust på øya med flott utsikt over fjorden. Her kan ein oppleva nærkontakt med både gardsdyr som...

Pin It on Pinterest

Share This