Så er det klart. Folkets Hus i Sauda er igjen blitt folket sitt hus, ja for alt folk. Torsdag 20. september blei det som nå er blitt Sauda kommune sitt nye kulturhus opna med fest heile dagen. Sju år gamle Vilmer Teig føretok den offisielle snorklippinga i ein fullsett storesal.
Folkets Hus i Sauda var arbeidarrørsla sin bastion frå huset stod klart i 1931. Sauda kommune overtok etter kvart bygget. Men, det har vore diskusjonar i årevis om kva ein skal bruka bygget til, parallelt med at folk har ønskt seg eit kulturhus. I staden for at Folkets Hus rotna på rot, blei det vedtatt at Folkets Hus skulle renoverast og få eit nytt og moderne tilbygg. Saman er det nye og det nyrenoverte bygget blitt Sauda sitt kulturhus. Nå med to salar, kafe, turistkontor, øvingsrom for band, ungdomslokale og kontor for kulturavdelinga i kommunen. Prosjektet har hausta lovord frå fjerne og nær. Og den store festen for folk flest er fire like førestillingar kvar kveld i opningsveka. Då viser saudakulturen seg fram, i hop med kjente utflytta artistar som Grethe Svensen, Kjartan Fløgstad og Reidar Brendeland, samt dansekompaniet Frikar. At Folkets Hus i Sauda er blitt eit heilt spesielt kulturhus i Ryfylke, er det ingen som helst tvil om.
-
- Det e her me hørre te, Reidar Brendeland og konferansier Ole E. Bø, som gjer publikum klare til å gå ut med kvardagsbunaden poncho.
-
- Feststemt publikum før premieren
-
- Forventingsfulle unge artistar før premieren
-
- FRIKAR i luftig svev på Folkets Hus-veggen, som Grand Finale
-
- Reidar Brendeland framfører Skipsekspedisjonen, og ikkje eit auge er tørt.
-
- Ordførar Asbjørn Birkeland, Kulturhussjef Astrid Espeland og prosjektleiar Kristian Landro
-
- Kultursjef Åshild Marie Øverland viser stolt fram den renoverte storesalen
