Då er det ofte snakk om mat. Ryfylke i august og september er gjerne ein festival og to. Tomat, frukt og laks står i høgsetet!
Klar for mat- og kulturgleder? Like sikkert som mai og juni er festivaltid i Ryfylke, er også august og september det same. Då er fokuset retta mot godsaker frå fjord, jord og veksthus. Mange veit at Finnøy er den største tomatkommunen i Norge, og fleire er klar over at frukthaust og lakseprodukt er Hjelmeland. Helga 16.-18. august inviterer finnøybuen derfor til Tomatfestivalen, medan Hjelmeland byr på Norsk Frukt- og Laksefest 6.-8. september.
Dei to matfestivalane er blitt blant dei mest kjente festivalane i Rogaland, og er passe store i omfang og besøk. Tomatfestivalen byr både på tacofest for heile familien, matshow, matlaging for barn, søkk og kav av aktivitetar, løpsfest, konsertar og den store tomatbasaren. Meir om program og informasjon finn du på www.tomatfestivalen.no
Norsk Frukt og Laksefest er kjent for ei fantastisk handverksutstilling på Spinneriet, i tillegg til konsertar, matopplevingar, kokkekurs for barn, andaløp og open dag på Helgøy. Meir ser du på www.fruktoglaks.com.
Kos deg med mange matgleder!!
