Jobb med meining … i Ryfylke

sep 22, 2023 | Framside, Nyhende

– Det er viktig for meg at jobben eg startar i, betyr noko for andre. Eg vil gjerne gjera ei endring og til dømes jobba med fornybar energi, slår Eline Kommedal Hoem fast. Ho går tredje året på studiespesialisering ved Strand vidaregåande skule. Framtid og jobb er noko ho er opptatt av. Jamaldringen Atle Espedal er samd. Han har gått naturbruk og akvakultur og tar nå påbygg ved same skulen. – Eg har ikkje heilt bestemt meg, men ser at havbruk er noko eg kunne tenkt å jobba med. Sjølv er eg ein ivrig laksefiskar, og det er ein del utfordringar knytt til oppdrett og lus. Den problematikken har eg lyst å vera med å løysa, slå Atle fast.

Sigrid Bojesen Fatnes, er prosjektplanleggjar Statkraft i Sauda, og forstår godt kva ungdomane snakkar om. – Ungdom er opptatt av eit arbeid med meining, mykje meir enn før då ein jobb var ein jobb. Ja, dei unge ønskjer å jobba med noko som har eit føremål, seier ho og legg til: – Det er dessutan viktig at me kan skapa gode samfunnet rundt, slik at det blir eit godt liv på og utanfor arbeid. Levande lokalsamfunn og eit godt kulturtilbod, er ein del av pakka når folk søkjer seg jobb. 

Ungdom, framtid, arbeid, verdiskaping og innhald er blant stikkorda i denne utgåva av Ryfylkepuls. Ja, ei sending det er vel verd å få med seg. Dessutan får du skikkeleg kortreist og god mat på slutten. Ryfylkekokken Frode Selvaag byr på ein frisk og litt annleis tomatrett. God appetitt, i søkk og kav!

Arkiv

Relaterte innlegg

Kalvekos og vepsebol

Kalvekos og vepsebol

Han er tidleg oppe for å vekka både dyra og familien, og er ikkje den som kryp tidleg til sengs. For heile dagen må nyttast. Dagar og år er også blitt brukte til heftige diskusjonar. Ikkje fordi han plent vil, men fordi han kjenner på eit samfunnsansvar. Men, korleis...

Ung jobbrekruttering

Ung jobbrekruttering

Ungdom kan finna sine bedrifter og bedrifter kan finna sine ungdomar. Klar, ferdig, sommarjobb.no Ja, det er nettopp det sommarjobben.no går ut på - at bedrifter og ungdom kan finna kvarandre. For nokon må dekkja opp for tilsette som skal ha sommarferie, og mange...

Her er finalelaga

Her er finalelaga

Skulefinalane i Ryfylkequizen er utført, med spenning, engasjement og tårer. Me står att med 27 motiverte ungdomar, som skal til den store direktesende finalen i mai. Åttandeklassingar i heile Ryfylke har gjort ein iherdig innsats og tileigna seg mykje kunnskap om...

Pin It on Pinterest

Share This