Det pliktar å kalla seg «Juletrebyen» i Norge. Jørpeland er verkeleg i «julevinden» nå i desember. Med aktivitetar og opplevingar på løpande band, og ikkje minst mange juletre, lever tettstaden i Strand opp til namnet «Juletrebyen».
Laurdag 21. desember steller speidarane i stand aktivitetar i den lune og koselege Huleskogen. Men, laurdagen før blir det gratis julegraut med Strandbuen og Strand Toraderlag, samt ein heilt spesiell mannekengoppvising i motehuset Byberg. Felles for begge laurdagane er at Jørpeland musikkorps og sjølvsagt julenissen skaper stemning begge laurdagane. Ja, nissen dukkar opp fleire andre dagar også.
Sjefen for Jørpeland sentrum, Kolbjørn Pedersen, er eit stort glis i desember. «Ryfylkebyen», «Preikestolen Village» og «Juletrebyen». Kjær stad har mange namn. Pedersen er sjølv høgt og lågt på Jørpeland for å få alt på plass undervegs. I tillegg kan han lokka med kveldsope til kl 20 måndag-fredag dei to siste vekene før jul.
Men, der andre tettstader tar julefri når julaftan kjem, har Jørpeland rosina i pølsa til slutt. Laurdag 4. januar er det klart for nok eit norgesmeisterskap i juletrekasting, eit populært innslag i Jørpeland sentrum. Då blir jula bokstaveleg tala kasta ut, i alle fall i Ytre Ryfylke.
