Juvelen Nordmarka

sep 21, 2021 | Framside, Nyhende

Heile 100 mål er tilrettelagt for næring. Nå tar interessa for alvor av. Tau Næringspark er blitt populært.


– Me skulle vera klare til Ryfast opna. Det klarte me, og me merkar verkeleg at fleire vil etablera seg her.
Hogne Fjellanger ser stolt rundt seg. Industrigründeren og investoren frå Tau har grunn til å smila. Næringsområdet i Nordmarka husar alt frå høgteknologi til mekanisk industri, og fleire vil vera med.

Så langt har Tau Næringspark AS selt 30 av 100 mål med næringsareal. Nye bygg på vel 4000 kvadratmeter står klar i desse dagar, og meir er på gang.

Torsdag 16. september kunne lyttarane av NRK Rogaland vakna til toppsaka om at næringsområdet i Ytre Ryfylke verkeleg er i vinden. Eit nasjonalt dronesenter etablerer seg også her, og både nasjonale og internasjonale kundar bankar på døra. 
– Tau Næringspark er på mange måtar porten til Ryfylke. Me ligg med kort veg til Stavanger og Nord-Jæren, og sentralt i Ryfylke. Me går absolutt ei svært spennande tid i møte, meiner Hogne Fjellanger.

Han gler seg over etableringar i Nordmarka, både knytt til datateknologi, elektronikk, mekanisk industri, havbruk og andre bransjar. 
– Det er ikkje alle som veit at dette området alt nå sysselset vel 500 personar. Meir skal det bli, slår investoren fast og spring vidare til neste potensielle kunde.

Innslaget til NRK Rogaland kan du høyra her:

Lokalen – Distriktsprogram – Rogaland – NRK Radio

Finn «Ryfast-effekt for næringslivet» kl. 01.01.24

Arkiv

Relaterte innlegg

Energisk bålkos frå Finnøy

Energisk bålkos frå Finnøy

Kos deg med magasin tre av Ryfylkepuls. Og i denne oktobersendinga tar me pulsen på Finnøy i Stavanger. Sending nummer tre av Ryfylkepuls er frå tomatøya Finnøy. Og her blir det spennande tema rundt eit bål i fjæresteinane. Kva satsar ungdomen frå Finnøy på? Kor skal...

Arena Ryfylke – tett på

Arena Ryfylke – tett på

Ja, det blir både tett på Ryfylke og tettare på kvarandre. Er du nysgjerrig på kva som rører seg i Ryfylke? Lyst på spennande bedriftsbesøk, gode smakar og ein herleg dag i Hjelmeland? Då er Arena Ryfylke 11. november noko for deg. Endeleg kan me møtast igjen, utan...

SMIL i Ryfylke

SMIL i Ryfylke

Ja, dei kallar det så, Staal og MIL. Då blir det SMIL. Fokuset er bulyst og næringsliv i Ryfylke. Gjer deg klar for spennande haustdagar på Jørpeland. - Nå går dei to store idrettslaga på Jørpeland og Tau saman om å arrangera ein skikkeleg stor fest, kommenterer...

Pin It on Pinterest

Share This