Kven blir årets Pilt-Ola?

sep 16, 2020 | Framside, Nyhende, Ryfylkealliansen

I november er det nok ein gong klart for gjev prisutdeling, når årets Pilt-Ola pris skal delast ut. Men, kven skal få prisen? Det kan du vera med å påverka.

For fjerde året på rad skal Ryfylkealliansen dela ut denne prestisjetunge heidersprisen til ein person som har bidratt til positiv utvikling i og for Ryfylke. Vedkomande skal ha sett spor etter seg med å tenkja nytt og som har ei god forteljing i Pilt-Ola si ånd. Men, kven var Pilt-Ola? Namnet var Ole Olsen Sangesand (1779-1858), ein husmannsson frå Lysefjorden som hadde eit må for auge: skaffa folk betre levekår og nok mat. Han var grunder, entreprenør, nytenkjar og ein mann med eit stort hjarte og utolmodig sjel.

Pilt-Ola prisen er tidlegare delt ut til skyssbåteigar Jon Arne Helgøy (2017), Bjørn Moe ved Mo Laksegard (2018) og rikspolitikar Magnhild Meltveit Kleppa (2019). Men, kven får prisen under Ryfylkealliansen si storsamling Arena Ryfylke den 12. november? Kva ryfylking meiner du fortener å bli heidra i år? Send ditt forslag med eit kort grunngjeving til juryleiar Eirik Moe, på eirik.moe@mokleiv.no. Frist for innsending er torsdag 1. oktober.

Du kan lesa meir om Pilt-Olaprisen, tidlegare vinnarar og statuttane her.

Tre personar har så langt mottatt Pilt-Ola prisen, f.v. Bjørn Moe (2018), Magnhild Meltveit Kleppa (2019) og Jon Arne Helgøy (2017).

Arkiv

Relaterte innlegg

Optimisten trur på opptur

Optimisten trur på opptur

- Akkurat nå sit eg på gjerdet og ventar på at det losnar. Då trur eg det blir ein bra sommar, seier Kai Risa på Rennesøy. Han er klar for aktivitet og bubilar.Kai Risa har styrt Sjøberg Ferie i over halvparten av dei 21 åra verksemda har eksistert. I sjøkanten på...

Kva veit du om Ryfylke?

Kva veit du om Ryfylke?

Quiz deg til flotte premiar frå Ryfylke! Kvart år kjempar 8.klassingane i Ryfylke i den store Ryfylkequizen. Ryfylkealliansen reiser rundt til dei ulike ungdomsskulane i Ryfylke med mål om å læra 8. klassingane om Ryfylke. 8.klassingane får også eit innhaldsrikt...

Vel verd å feira eittåring

Vel verd å feira eittåring

Med bakvarer, komler, varme smil og nystrokne t-skjorter feira Ryfylke Bakeri og Konditori eit år i nye lokale på Tau. Og folk blei med på festen.- Det har vore ein kjekk, travel dag. Ja, godt med folk frå morgon til kveld, og meir gjestar og pengar i kassen enn ved...

Pin It on Pinterest

Share This