Etter ein nervepirrande finale, med SKYHØGT nivå og spenning heilt til siste slutt, har me kåra vinnarane i Ryfylkequiz 2021! Me gratulerer «MAS» frå Hjelmeland med ein vel fortent siger!
Etter fjorårets skyhøge nivå , var finalen laga endå vanskelegare i år. Likevel skrudde nivået seg opp i takt med vanskelegheitsgrada. Samtlege lag har førebudd seg godt og pugga ekstremt mykje. All pugginga lønna seg for Hjelmeland som vann med heile 75 av 77 moglege poeng (!!!).
Sauda kom på 2. plass med 72 poeng, og 3. plassen tok Tau med 71 poeng.
Alle ni laga viste at dei hadde store kunnskapar om Ryfylke. Når samtlege ni lag oppnår minimum to tredelar rett, fortel det mykje om kunnskapsnivået. Me i Ryfylkealliansen gratulerer alle laga med framifrå innsats. Spesielt til lukke til dei tre laga som fekk med seg pengepremiar frå Hjelmeland Sparebank.
Få med deg heile sendinga i opptak på https://ryfylke.no/ryfylkequiz-2021/
