Milliondryss til ny skjærgårdsbåt

nov 26, 2019 | Framside, Nyhende, Ryfylkealliansen

Ryfylke Friluftsråd takka både djupt og audmjukt då Sparebankstiftelsen til SR-bank delte ut to millionar kroner til ein ny båt. Sist veke kunne dagleg leiar Hans Olav Sandvoll (til høgre på bilete) motta pengane frå stiftelsen. – Både stat, fylke, medlemskommunane og nå Sparebankstiftelsen er med i spleiselaget til ein ny arbeidsbåt for oss i friluftsrådet, fortel Sandvoll. Den gamle slitaren, MB Ry-fri er 27 år gammal, og behovet for ein ny arbeidsbåt er stort.

Ryfylke Friluftsråd gjer så visst Ryfylke reinare og meir tilgjengeleg. Ryfylkebassenget er og blir ei oppleving for båtfolket, men også via kollektiv transport, bil og sykkel. – Det viktigaste arbeidet me har er å vedlikehalda og tilretteleggja skjærgården for gode naturopplevingar og eit aktivt friluftsliv. Me får jo mykje skryt for det arbeidet me gjer og det er sjølvsagt ein stor motivasjon til å halda fram arbeidet, seier Hans Olav Sandvoll.

På nettsida www.ryfri.no finn du oversikt over friluftsområde, kaianlegg og aktivitetar i heile Ryfylke. Med foto, flotte filmar og informasjon kan du finna meir ut om perlene som ventar på deg sommar som vinter.
– Nå gler me oss ekstra til våren 2021, når den nye båten skal vera klar. Tilskot og gåver går nå uavkorta til båtprosjektet, som inkluderer ny arbeidsbåt og dessutan nye motorarar til den gamle travaren MB Ry-Fri, forklarar Hans Olav Sandvoll, som gjerne meddeler vippsnummer og kontonummer til andre som vil støtta investeringa av ny båt.

Arkiv

Relaterte innlegg

Draumen om turen frå fjord til fjell

Draumen om turen frå fjord til fjell

I desse dagar er det saudabuen som kan nyta turområda på veg til Hovlandsnuten. Men, når koronaviruset er på retur og Norge, Ryfylke og Sauda opnar seg opp att, ligg ein turskatt av dei sjeldne og ventar på deg i Sauda. Saudafolket er eit turfolk. Eit friluftsfolk,...

Vårgnist i Bergekrossen

Vårgnist i Bergekrossen

- Det er viktig å dra fram alt som er positivt for tida. Og her hjå oss er det ein veldig god tone, seier Leif Bakka i Møgedal Mek. Verkstad. Han ser at våren gjer ryfylkingen godt, og handlar deretter. Permitteringar, stengte forretningar og kundesvikt. Du høyrer og...

Kan bli eit amputert festivalår i Ryfylke

Kan bli eit amputert festivalår i Ryfylke

Avlysing? Nedjustering? Full fres? Mange festivalarrangørar i Ryfylke veit at festivalar og store arrangement kan bli råka av koronakrisa. På eit eller anna tidspunkt må kvar festival avgjera om det blir arrangement i år. Tidspunktet for avgjerd nærmar seg, først og...

Pin It on Pinterest

Share This