Kva held dei på med desse ryfylkingane?
Og er det plass til meg?

Næring i Ryfylke

Svaret på det siste spørsmålet er JA. Kortsvaret på det første kan gjerne vera: «me forvaltar ressursane rundt oss». Havbruk, energi, landbruk, byggjeråstoff, industri, reiseliv og kulturliv er nokre av stikkorda.

Levande side – på denne sida skal me ut over hausten, vinteren og våren bli kjent med delar av næringslivet, arbeidsplassar og moglegheiter.

Filmar – me vil etter kvart presentera arbeidsliv og kvardag, gjennom filmar og glimt frå Ryfylke.

Innspel – kva driv du på med? I Ryfylke? Eller kunne du tenkt deg å jobba i Ryfylke? Flytta arbeidsplassen til Ryfylke? Her er moglegheiter. Lat oss få vita om ditt arbeid– ta kontakt!

Foto – me vil gjerne ha bilete frå din arbeidskvardag. Bruk #ryfylkepuls på instagram, vinn t-skjorte i Ryfylkepuls sendinga.

Kraftige Ryfylke

Det er mykje vatn og mykje kraft i Ryfylke. Faktisk utgjer kraftproduksjonen i Ryfylke om lag 10 prosent av samla vasskraftproduksjonen i Norge.

Havbruk

Ryfylke er ein av dei viktigaste regionane i Norge, når me snakkar om oppdrettsnæringa. Store mengder laks blir dagleg slakta i Ryfylke. Forsking, utvikling og ikkje minst berekraftig satsing er drivarane. Den mest moderne havbruksutdanninga i Norge, finn du på Tau og Strand vidaregåande skule.

Industri

Smelteverk, stålverk, pukkverk, sanduttak og steinknuseri. Råvarer blir nytta, smelta, støypt og produsert i tal tonn som manglar sidestykke.

Jordbruk

Utan bonden, lite liv. Gjennom generasjonar har kua, sauen og grisen, og ikkje minst bonden sjølv sørga, for at du og eg har mat på bordet, og for at landskapet er velstelt. Og bonden satsar framleis! Størst i landet på sau, tomatar og fjørfe, for å nemna noko.

Reiseliv

Ryfylke har turistmagnetane Preikestolen og Kjeragbolten. Men turisme er så mykje meir. Aktørane i reiselivet er mange små bedrifter som står for ei stor verdiskaping. Her finn du overnattinga, opplevingane, lokalmaten og vertsskapet, jordnært og ekte.

Livslang læring

Folk treng utdanning og folk treng jobb. Det er aldri for seint å ta nye steg. Ein solid medspelar i Ryfylke er prosjektet MOR «Motivasjon, opplæring og rettleiing», driven av dei vidaregåande skulane i Ryfylke, Sauda og Strand – sjå meir på moriryfylke.no