Oppturar i Ryfylke

Ja, det er fordelar med å bu og leva i Ryfylke. Visste du at alle ungdomar frå Suldal, som vel å gå på Sauda vgs, får 10 000 kroner kvart år frå Suldal kommune? Men, korleis har det slått ut då? I Hjelmeland er det gratis å ha ungane i barnehagen. Og nå forventar ordføraren babyboom. På Finnøy er det yrande båt- og pendlarliv både morgon og ettermiddag. For det er alltid nokon som skal nord, sør, vest og aust i heile Ryfylke og til byen. Kokken Sebastian byr på ein herleg sommarrett, og i Årdal går kafélivet så det susar. Ja, det er mange grunnar til å få med seg ein sommarleg utgåve av Ryfylkepuls i alle kanalar. Og med solid forynging av programleiarstaben. Denne gongen har Tor Øyvind fått hjelp av to 16-åringar, som ser for seg ei framtid i Ryfylke.