Nå kan du røysta Rødne fram som vinnar av Siva-prisen 2020. Reiarlaget frå Ryfylke er ein av sju nominerte bedrifter til denne innovasjonsprisen, som løftar fram verksemder som har fått vekst gjennom grøn omstilling.
Torsdag 23. april kom Rødne sitt siste skot på stamma, «Rygerelektra» seglande inn byfjorden til kaien i Stavanger. Me snakkar om den raskaste elektriske hurtigbåten i verda, som også har lengst rekkevidde. Det er eit stort sprang for selskapet, som starta i det små med skuleskyss i Sjernarøyane i 1956. Rødne blei etter kvart den største arbeidsgjevaren i tidlegare Finnøy kommune. Finnøy er i dag ein del av Stavanger kommune, og Rødne er by og land og sjø om ein annan. Hovudkontoret til Rødne er framleis i Sjernarøyane, med avdelings- og salskontor i Stavanger og Bergen.
Sjå båten på fjorden her:
Foto og film: Samferdselsfoto/Tor Arne Aasen
