Ryfylke i desse koronatider

mar 16, 2020 | Framside, Nyhende, Ryfylkealliansen

Koronaviruset fører til store endringar i kvardagen vår. Og Ryfylke slepp ikkje unna.

Det beste me kan gjere i desse tider, utanom å ta godt vare på kvarandre (!), er å fylgje råda som blir gitt frå Folkehelseinstituttet og frå dei som styrer i landet vårt. Det vere seg både storting, regjering, fylke og kommunar.

Og det er mange restriksjonar som no blir satt i gang for å avgrense smitta mest mogleg.

«Stengde» kommunar
Stavanger Aftenblad melder at Hjelmeland og Suldal kommunar innfører krav om karantene for innbyggjarar som har vore utføre Rogaland. Det same gjeld innbyggjarar som har vore på besøk i desse rogalandskommunane:
Karmøy, Haugesund, Randaberg, Sola, Sandnes (unntatt gamle Forsand kommune), Stavanger (unntatt gamle Rennesøy og Finnøy Kommune), Hå, Time, Gjesdal og Klepp.

Ikkje reis på hytta uansett
Alle hytteeigarar blir oppfordra til å halde seg heime, sjølv om hytta er i eigen kommune. Dette presiserer ordførar i Stavanger, Kari Nessa Nordtun. Det er mange frå Stavanger som har hytte i gamle Finnøy og Rennesøy kommunar, og desse blir altså også bedt om å halde seg heime.

Ingen billettering på ferjer og hurtigbåtar
Øyposten melder at ferjer og hurtigbåtar ikkje lenger tek betaling ombord. Det vil i praksis seie at ferjeturen blir gratis. Alle som reiser med ferja blir også bedt om å halde seg i bilen under overfarten.
Skal ein reise med hurtigbåt må ein førehandsbestille billett.

Preikestolen stengt
Preikestolen blir stengt for folk som kjem frå utføre regionen. Dette blir meldt på Preikestolen si offisielle Facebookside.

Men heldigvis er det fortsatt mykje flott natur i Ryfylke som er ope for den som vil lufte seg! Og det er viktig i ei tid som denne. Berre pass på å halde avstand til andre turgåarar 🙂
Det aller viktigaste me kan gjere i desse tider er som sagt å ta vare på kvarandre. Så ta ein telefon til ein som er i karantene, ta handleturen for ein som ikkje kjem seg ut, hjelp til der du kan!

Arkiv

Relaterte innlegg

Juvelen Nordmarka

Juvelen Nordmarka

Heile 100 mål er tilrettelagt for næring. Nå tar interessa for alvor av. Tau Næringspark er blitt populært. - Me skulle vera klare til Ryfast opna. Det klarte me, og me merkar verkeleg at fleire vil etablera seg her.Hogne Fjellanger ser stolt rundt...

SMIL i Ryfylke

SMIL i Ryfylke

Ja, dei kallar det så, Staal og MIL. Då blir det SMIL. Fokuset er bulyst og næringsliv i Ryfylke. Gjer deg klar for spennande haustdagar på Jørpeland. - Nå går dei to store idrettslaga på Jørpeland og Tau saman om å arrangera ein skikkeleg stor fest, kommenterer...

Pulserande perlå Sand

Pulserande perlå Sand

Kos deg med magasin to av Ryfylkepuls. Og i denne septembersendinga tar me pulsen på Sand i Suldal. Her kjenner ein framleis lukta av OL-gull. Korleis? Vel, sand på Sand er ein suksess. Det er også kopling mellom næring, skule og det offentlege. Laksen har hoppa godt...

Pin It on Pinterest

Share This