Ryfylkefondet gjev raust til festivalar – også utan gjennomføring

apr 17, 2020 | Framside, Nyhende, Ryfylkealliansen, Ryfylkefondet

Styret i Ryfylkefondet har vald å bruka ein halv million kroner på festivalar og arrangement i Ryfylke i 2020. Festivalane får også pengane, sjølv om arrangement blir avlyst grunna koronarestriksjonar.

Meldinga om avlyste festivalar var kjip. Men, nå kjem ei gladmelding. Og mange bruker ordet «raust» når ein skal skildra det vedtaket Ryfylkefondet gjorde veka etter påske. Sjølv om fleire festivalar alt er avlyst, og fleire kjem til å li same lagnad, får arrangementa pengar.

Vedtaket er som følgjer:
Styret i Ryfylkefondet forutset at den einskilde arrangør gjer dei naudsynte tiltak slik at ein ikkje drar på seg unødige kostnader mot 3. part om og når ein ser at arrangementet ikkje kan gjennomførast.
Ryfylkefondet løyver kr. 510.000 til festivalar i 2020, fordelt slik vedlagde liste syner og utbetalast sjølv om arrangement må avlysast grunna offentlege restriksjonar knytt til Covid-19 epidemien.

Som det også står i skrivet som festivalane har fått: «Det er lov å ha midlar i reserve til neste år!»
Arrangement til og med 15. juni er alt utsett eller avlyst. Regjeringa har lova at dei seinast i starten av mai gjev melding om det let seg gjera å gjennomføra festivalar resten av sommaren.

Lurar du kva og kven Ryfylkefondet er? Det er kort fortald kraftpengar frå Ryfylke og Rogaland Fylkeskommune. Styret består av ordførarane i Sauda, Suldal, Hjelmeland, Strand og Sandnes i tillegg til fylkesordføraren. Les meir om Ryfylkefondet her.

Biletetekst: Saudadagane er blant festivalane som ikkje blir avvikla i år. Men, Ryfylkefondet støttar likevel med midlar! Foto: Sauda Ferie og Fritid

Arkiv

Relaterte innlegg

Ungdom i Ryfylke får gratis ungdomskort frå 1.april

Ungdom i Ryfylke får gratis ungdomskort frå 1.april

Ryfylkepuls har tatt pulsen blant Ryfylkeungdomen – kva synes dei om ordninga med gratis ungdomskort som snart skal tre i kraft? Vil det gjera at dei reiser meir? Er dette eit godt lokkemiddel for å få ungdom til å bu og studera i Ryfylke? Ein av dei me tok ein prat...

Søknadsfristen nærmar seg!

Søknadsfristen nærmar seg!

1.mars er fristen for å søkja om plass ved dei vidaregåande skulane, og i Ryfylke har me to av desse.  Strand vgs er ein skule som ligg sentralt på Tau i Strand kommune. Med visjonen "Det beste i den enkelte" er tilsette ved Strand vgs opptatt av og bevisste på å sjå...

Spring for livet

Spring for livet

Ho er alltid på farten. Tidleg og seint. Søvn er det lite av. Men, kilometrane er mange. Over 8 000 kilometer på eit år. Bli kjent med Therese Nordbø, ein energibunt av det sjeldne som spring verda rundt for at andre kan få det litt betre.   Gjer deg klar for...

Pin It on Pinterest

Share This