Ryfylkeungdomen skjerpar sansane

mar 9, 2022 | Framside, Lite toppbilde, Ryfylkealliansen, Ryfylkequiz 2022

Nå skal det igjen kjempast om kva 14-åringar i Ryfylke som veit mest om nettopp Ryfylke. Ein populær kappestrid om rette svar, pengar, heider og ære.

I siste del av februar fekk alle 8. klassane i Ryfylke besøk av quizmaster Tor Øyvind Skeiseid. I ein skuletime fekk elevane vita meir om Ryfylke, med alt frå geografi, historie, kultur og næringsliv. Og ut frå resultata i lynquizen, teiknar det godt for skulefinalane som er i april. Kule Ryfylkepuls-tskjorter og Ryfylke-nøkkelband var kjekke å vinna.

Denne veka får elevane tilsendt pensum, før skulefinalane blir i vekene etter påske. Kan elevane pensum og det som dei finn på www.ryfylke.no, ja då har dei gode høve til å lukkast. Ikkje minst har me utfordra ungdomane til å følgja godt med på Ryfylkepuls i år, som også vil danna grunnlaget for somme av oppgåvene.

Direktesendt TV-finale

Det er Ryfylkealliansen som har ansvaret for Ryfylkequizen, som eit ledd i å løfta Ryfylke opp og fram i og utanfor Ryfylke. Eit hovudmål er å styrka identiteten blant ryfylkeungdomen.

I fjor nådde me langt ut over eigne grenser. Då sende me den store finalen direkte på www.ryfylke.no, og fleire tusen menneske fekk med seg spenninga då Hjelmeland ungdomsskule gjekk heilt til topps.

2. juni 2022 er det klart for den store direktesendte TV-finalen frå Sand.

Flotte premiar

Ryfylkealliansen har ein solid medspelar med på laget, nemleg Hjelmeland Sparebank.
– Banken har vore med sidan starten av Ryfylkequizen. Me har late oss imponera av alt ungdomen kan og engasjerer seg i når det gjeld Ryfylke, forklarer banksjef Susanna Poulsen i Hjelmeland Sparebank. Banken blar opp 1 500 kroner til kvar av dei tre på laget som går til topps, i tillegg til 3 000 kroner til klassekassen. Sølvvinnarane mottar 1 000 kroner kvar, medan dei som endar på tredje plass får 500 kroner kvar. Det er også premiar til dei andre seks finalelaga.
– Me gler oss til nok ein runde med Ryfylkequiz, og er spesielt glade for at direktesendinga gjer at så mange får med seg dette spennande og artige arrangementet, avrundar Susanna Poulsen.

Vil du sjå kva våre dyktige 8.klassingar må kunne i år? Eller vil du berre lære meir om Ryfylke?

Her er pensum til Ryfylkequiz 2022.

I siste del av februar fekk alle 8. klassane i Ryfylke besøk av quizmaster Tor Øyvind Skeiseid. Her er bilete av elevane som var med på lynquizen.

Arkiv

Relaterte innlegg

– Me vil bli fleire og yngre!

– Me vil bli fleire og yngre!

Ja, det er overskrifta når me inviterer til den årlege storsamlinga Arena Ryfylke onsdag 9. november. Denne gongen på Jelsa i Suldal kommune. Fokus er på nærings- og bustadattraktivitet i Ryfylke, og programmet er både omfattande, variert, spennande og artig. Det er...

Kraftfullt og lite

Kraftfullt og lite

Det er ei turistbygd. Ja, ingen tvil om det. Ni innbyggjarar, majestetiske fjell og kraftproduksjon i verdsklasse. Når Ryfylkepuls gjestar Lysebotn skal me langt inn i fjellet og under havnivået. Me tar også turen til den nyaste skeinebrettbanen i Ryfylke, som ligg...

Mektig og jordnært

Mektig og jordnært

Me kan bruka mange fagre ord om Lysefjorden. Majestetisk, mektig, eventyrleg, storslått og meir av det slaget. Det er litt kult då, at fleire av dei mest spektakulære attraksjonane i verda, ligg nettopp i Ryfylke. Men, kva pulserande skattar skjuler seg frå ytst i...

Pin It on Pinterest

Share This