Det er uendelege mengder med sand, sand som skal vera den beste i heile Norge. Bli med Ryfylkepuls til Forsand, der me naturleg nok dukkar ned i sandhaugen.
Bli kjent med bedrifta som nyttar sanden som råstoff, og byggjer betongelement i verdsklasse. Nå er dei klare for det største oppdraget nokon gong. Ungdomen frå Forsand elskar bygda si og har framtidsplanane klare. Og er det ein stad det er godt å bli gammal, må det vera Forsand. Velkomen inn i solstova! Ryfylkepuls frå Forsand ser du her.
PS: Du kan også sjå sendinga på TV Vest 15.-17. januar, der episoden går om att og om att. Dessutan aukar me talet Ryfylkepuls-sendingar frå ein til to i månaden. Neste sending kjem alt 28. januar.
