Smarte Ryfylke-elevar i forseinka quiz

sep 18, 2020 | Framside, Nyhende, Ryfylkealliansen, Ryfylkequiz

Kven veit mest om Ryfylke av 14-åringane i regionen? Nå er skulefinalane i gang, og i oktober er det klart for direktesendt storfinale.

Denne veka rulla Ryfylkequizen i gang igjen. Både ungdomsskulane på Tau, Hjelmeland og i Suldal har kåra sine skulemeistrar. For femte året på rad inviterer Ryfylkealliansen til spørjetevling blant 8. klassingane i Ryfylke. Det er eit av vårens vakraste høgdepunkt. Men, i vår kom koronastoppen, og heile quizen måtte utsetjast. Nå er 8. klassingane blitt 9. klassingar, og vår blitt haust. Men, engasjementet er like stort. For kva veit dei om vårt mangfaldige og ekte Ryfylke. Geografi, mat, politikk, sport, kultur og historie er blant tema som ungdomane skal beherska. Og etter dei første finalane denne veka, er det ingen tvil om at 14-åringane har solid med kunnskap om Ryfylke.

21. oktober er det så klart for den store, store finalen. Arrangør i år er Hjelmeland. Og til vanleg har vinnarlaget sin klasse fått vore med til det store finalearrangementet. Men, med Covid19-situasjonen, er det ikkje like smart å blanda 150 ungdomar frå åtte skular i lag. Derfor blir det digital direktesendt finale. Onsdag 21. oktober skal derfor finalelaga vera med på TV-sending frå Hjelmeland. Spennande i seg sjølv. Og du kan følgja med direkte frå kl 12 til 13 både på www.ryfylke.no, eller på nettsidene til lokalavisene Suldalsposten, Øyposten, Strandbuen og Ryfylke.

Så kven er dei dei skarpaste 8. klassingane, orsak 9. klassingane i Ryfylke i år?

Arkiv

Relaterte innlegg

– Me vil bli fleire og yngre!

– Me vil bli fleire og yngre!

Ja, det er overskrifta når me inviterer til den årlege storsamlinga Arena Ryfylke onsdag 9. november. Denne gongen på Jelsa i Suldal kommune. Fokus er på nærings- og bustadattraktivitet i Ryfylke, og programmet er både omfattande, variert, spennande og artig. Det er...

Kraftfullt og lite

Kraftfullt og lite

Det er ei turistbygd. Ja, ingen tvil om det. Ni innbyggjarar, majestetiske fjell og kraftproduksjon i verdsklasse. Når Ryfylkepuls gjestar Lysebotn skal me langt inn i fjellet og under havnivået. Me tar også turen til den nyaste skeinebrettbanen i Ryfylke, som ligg...

Mektig og jordnært

Mektig og jordnært

Me kan bruka mange fagre ord om Lysefjorden. Majestetisk, mektig, eventyrleg, storslått og meir av det slaget. Det er litt kult då, at fleire av dei mest spektakulære attraksjonane i verda, ligg nettopp i Ryfylke. Men, kva pulserande skattar skjuler seg frå ytst i...

Pin It on Pinterest

Share This