Så er endeleg badeeldoradoet opna. Ja, Suldal Bad. Etter utsetjingar og humpar i vegen, er det nå glede og begeistring i Ryfylke for ei praktbygg med spennande innhald.
Fredag 7. desember kunne ein stolt ordførar i Suldal, Gerd Helen Bø opna Suldal Bad med gode ord og eit godt bad. På Sand ligg badeanlegget som haustar lovord om både arkitektur og aktivitetar. Det er nesten som suldølen må klypa seg i armen over kva som er gjort mogleg. Men, dette badeanlegget skal ikkje vera ein godt skjult løyndom i Indre Ryfylke.
– Suldal Bad skal bli den best besøkte innandørs symjehallen i Rogaland, slår Suldal kommune fast. Og kvifor ikkje. Med 25 meters basseng, terapibad, stupetårn, vass-sklie, utandørs boblebad, badstove, klatrevegg og kafé, ligg alt til rette for å lokka til seg både tilreisande og fastbuande. Når du i tillegg kjenner deg bortimot i eitt med fjord og fjell, som omkransar utsikten frå Suldal Bad, ja då er det berre til å hoppa ut i det.
Det er brukt lokal kompetanse på utforming av både logo, illustrasjonar og badevettreglar:
Logo: Nenad Ignjatic.
Illustrasjonar til garderobe mm: Bris Reklame
Badevettreglar: Karen Benninghoff
Under kan de sjå bilete frå opningsdagane.
Illustrasjon: Bris Reklame 
Illustrasjon: Karen Benninghoff
