Suldal i hundre

okt 1, 2020 | Framside, Nyhende, Ryfylkealliansen

Ny klatrepark, annleis andeløp, digitalt haustshow og ein handelsstand som lokkar med hundrevis av tilbod. Suldølingen ligg så visst ikkje på latsida i haustferien.

Suldal i 100. Det er overskrifta når handels- og opplevingsnæring går saman om eit spennande program i Suldal generelt og Sand spesielt. Fastbuande og gjestar blir lokka med hundrevis av tilbod.
– Me ønskjer alle velkomne til å bruke butikkane våre, naturen vår og tilboda me har har lokalt, seier prosjektleiar i Suldal Vekst,  Marit Larsen.
Generelt gjennom haustferien er det mange gode tilbod i kampanjen Suldal i 100. Her er det varer til ein hundrelapp, eller kupp der ein sparer 100 kroner på eit produkt. Ein kan også få med seg topptur til Vardaheia i Erfjord med ei treningsøkt i 100, redesign av gamle klede som truleg har 100  nye leveår framfor seg, kinofilmar, utstillingar og Vill i vatn-arrangement i Suldal Bad. Laurdag 10 oktober blir det ungdomsarrangement som Suldal ungdomsråd og Suldal Røde Kors Røff arrangerer. Her blir det Diskobading i 100 for dei mellom 8 og 18 år.
Og dei unge skal verkeleg få boltra seg. Måndag 5. oktober opnar blant anna ordførar Gerd Helen Bø den nye klatreparken i Sand sentrum. Det er Rampline frå Talgje som har utvikla klatreparken som legg opp til motorisk trening og balanseapparat for dei yngste. Klatreparken ligg i hjarta av gatebildet på Sand.

Andeløp og haustshow
Handelsstanden på Sand tar smittevern på alvor, og ønskjer å laga til fleire små møtearenaer for publikum denne haustferien. Eit av høgdepunkta er Røde Kors som arrangerer eit digitalt andeløp med flotte premiar. Sjølve andeløpet blir også sendt live på Suldal Bad, der badegjestane kan følgja ekstra godt med på kva and som vinn fram i konkurransen i bassenget. Inntektene av andeløpet går direkte til Suldal Røde Kors som er ein viktig ressurs i arbeidet med beredskap og tryggleik i Suldal, både i fjellet og på fjorden.
Butikkane på Sand viser dessutan fram årets motar og trendar i eit digitalt moteshow, som blir publisert på FB-sida, Sand i Suldal på kvelden fredag 2. oktober. Her er det inspirasjon om sko, klede og trendar for både dei yngste og dei litt eldre.

Held fram god trend
Reiselivsbedrifter og handelsnæring i Suldal er på offensiven etter ein god sommar. Mange besøkjande gjorde at «koronasommaren» ikkje blei så gale som frykta.
– Det var mange nordmenn på tur i juli. God aktivitet på serveringsstader og butikkar. Hyttefolket har vore aktive og mange har godt både korte og lange turar i Suldal. Nå gler me oss til ein aktiv haustferie. Velkomen til oss, legg Marit Larsen i Suldal Vekst til.

Programmet for Suldal i 100 finn du her.

Arkiv

Relaterte innlegg

Eventyrlige Årdal

Eventyrlige Årdal

Du møter både folk, fe, eventyrfigurarar og skabelonar når du kjem til Årdal. Ja, snodige skabelonar, kva nå enn det er? Nå er det amerikansk vegkrosatsing, ryfylke-vertsskap på gardshotell og ungdom som har både klart hovud, varmt hjarte, flinke hender og skikkeleg...

Blomstring og bru

Blomstring og bru

42 innbyggjarar på ei lita øya er fulle av pågangsmot og forventing. 40 000 frukttre, epleri og stor satsing på bru. Men, på Helgøy er det ei storhending som trumfar alt. Nå blir den vesle øya i Årdalsfjorden landfast med ei 290 meter lang bru. Og då kan det fort bli...

Fullklaff for Pilt-Ola

Fullklaff for Pilt-Ola

Storarta skodespel, ståande applaus og strålande sol summerte Lysefjordspelet om Pilt-Ola i pinsehelga. Publikum fekk både turglede, kulturoppleving, verdspremiere og historieformidling i ein og same snippsekk.  - Nå er me berre glade og letta over at det har...

Pin It on Pinterest

Share This