Suldal lokkar med pengar til elevar

des 13, 2019 | Framside, Nyhende, Ryfylkealliansen

Suldal kommune gjer ein original vri når dei tilbyr ungdom i Suldal 10 000 kroner for å gå på den lokale vidaregåande skulen i nabokommunen Sauda.

Kommunestyret i ryfylkekommunen går nå inn for ei forsøk for skuleåret 2020-21, der kvar suldalsungdom som veljer Sauda vidaregåande skule skal motta 10 000 kroner som «bonus» for skulevalet. Dei siste åra har fleire og fleire unge suldølar valt vidaregåande opplæring på private og offentlege vidaregåande skular andre stader enn Ryfylke. Som eit ledd i å halda på folketal og bulyst i Indre Ryfylke, gjer altså politikarane eit spenstig grep.

– Pengane er nok ikkje det viktigaste for val av skule. Men, for dei som vaklar litt om kva dei skal velja, er kanskje pengane avgjerande, seier ordførar i Suldal Gerd Helen Bø. Suldal kommune ønskjer at denne ordninga også er ein god måte å sikra vidare framtid for Sauda vidaregåande skule.

Styreleiar i Ryfylkealliansen, Helge Malmberg, helsar velkomen alle tiltak som kan gje unge lyst til å bu og ta vidaregåande utdanning i Ryfylke.

– Me i Ryfylkealliansen jobbar også målretta for å få ungdomane til å kjenna på identiteten sin og få lyst å koma tilbake for å bu i Ryfylke. Me går inn i 8. klassane i heile Ryfylke og har Ryfylkequiz. Då lærer dei unge om heile regionen. Det er for at ungdomen skal sjå at dei er ein del av noko større og at dei er stolte av å koma frå Ryfylke, fortel Helge Malmberg.

NRK Rogaland har tatt tak i denne saka. Torsdag 12. desember blei Suldal sitt ungdomsfrieri omtala på radiosendinga. Du kan høyra sendinga her.

Spol deg 1.32.00 ut i sendinga og høyr meir om kva Suldal kommune nå gjer.

Og etter 2.11.30 kan du høyra kva styreleiar Helge Malmberg om Suldal sitt vedtak og om kva Ryfylkealliansen gjer for å løfta fram Ryfylkeidentitet blant ungdomen.

Elevane på Sand fylgjer interessert med.

Arkiv

Relaterte innlegg

Lokalavisene i framgang

Lokalavisene i framgang

Avisene i Ryfylke er populære. Det er store smil å spora i redaksjonane til Strandbuen, Øyposten og Suldalsposten om dagen.- Me har størst framgang av alle i avisene i Rogaland, slår redaksjonen i Øyposten fram. Påstanden er for så vidt rett, om ein reknar framgang på...

Dramatisk quizfinale i Sauda

Dramatisk quizfinale i Sauda

Vinnaren i Ryfylkequiz-finalen i Sauda, blei først klar på over, over, over, overtid. Jubel for somme, bittert for andre. Det var historisk mange spørsmål som måtte til før dei tre på laget LKT kunne strekkja hendene i veret fredag 25. september. Arenaen var Sauda...

Smarte Ryfylke-elevar i forseinka quiz

Smarte Ryfylke-elevar i forseinka quiz

Kven veit mest om Ryfylke av 14-åringane i regionen? Nå er skulefinalane i gang, og i oktober er det klart for direktesendt storfinale. Denne veka rulla Ryfylkequizen i gang igjen. Både ungdomsskulane på Tau, Hjelmeland og i Suldal har kåra sine skulemeistrar. For...

Pin It on Pinterest

Share This