Testsenter for dronar og systemhus for elektronikk. Det kan sjå ut som jobbing med dingsar og små detaljar, men er strengt tatt det fremste innan teknologi på kloden. Det er ikkje farleg å bruka store ord når ein er på Tau. I dagens Ryfylkepuls skal me også besøkja det splitter nye hagesenteret, med ein nevenyttig leiar som har drive som gartnar sidan han var 14 år. Og på Tau er det liv. Den nye kyrkja er blitt eit samlingspunkt for store og små, dag ut og dag inn. Bli med på barnegospel, før turen går ut på fotballbanen og inn i handballhallen. Midtbygdens Idrettslag merkar også Ryfasteffekten og Tauoffensiven. Velkomen til Tau og Ryfylkepuls.
Lagar og reddar liv
Dei er unge, ambisiøse og vil redda liv. Møt ungdomane som går på ambulanselinja på Sauda vidaregåande skule. Og det er eit nålauge å koma inn på Rogalands mest populære utdanning. I industriarbeidarbyen Åbøbyen skal dei feira ei heil langhelg, med både spel,...
