Ti ryfylkeord te å bli fjåge av

jan 30, 2020 | Framside, Nyhende, Ryfylkealliansen

NRK Rogaland er på jakt etter dei beste ord og uttrykk i Rogaland. Nå haglar det inn med forslag til dei beste orda frå kvar region. Onsdag 29. januar blei dei beste orda frå Ryfylke kåra.

Ja, korleis snakkar ryfylkingen kontra dei frå Jæren, Dalane, Haugalandet og Nord-Jæren. Og er det skilnad også i Ryfylke? Utan tvil, men ein del dialektord er like.
– Men konsonantane blir hardare jo lenger inn i Ryfylke du kjem, slår Laila Steine frå Suldal fast og seier glåpe når andre seier glåbe.

Laila, som jobbar som dagleg leiar i Suldal Vekst, var juryleiar i ryfylkejuryen, ein jury ho danna saman med Arne Nordbø frå Finnøy og Laila Andersen Asbjørnsen frå Jørpeland. Og trioen kasta seg over hundrevis av ryfylkeuttrykk og klarte å samla seg om ti ord, som nå skal vidare til rogalandsfinalen. Her kan du sjå alle ti orda

https://tv.nrk.no/serie/distriktsnyheter-rogaland/202001/DKRO99012920/avspiller

Nå blir 50 ord frå Rogaland samla og vurdert av hovudjuryen. Ti av desse går vidare til den store finalen 12. februar, der alt blir avgjort kva er Rogalands beste ord. Kan feien, knåva, hoien eller tetadde nå opp?

Treng du forklaring på dei ti ryfylkeorda som er i finalen? Høyr då sendinga til NRK Rogaland på radio – her https://radio.nrk.no/serie/distriktsprogram-rogaland/DKRO02002020/29-01-2020

Fleire gonger i sendinga handlar det om Ryfylke og ord frå Ryfylke. Her høyrer du ord og uttrykk frå heile Ryfylke, og sjarmerande innslag om korleis saudabuen snakkar kontra dei lenger «utante». Kos deg med eit hav av herlege ord frå Ryfylke.

Følg med på NRK Rogaland både på radio og TV framover. 12. februar skal altså alt avgjerast.

Arkiv

Relaterte innlegg

Solid fundament frå Forsand

Solid fundament frå Forsand

Sykkelvelodrom på Sola, idrettshall på Jørpeland og element til infrastruktur. Variasjonen er stor og det er full gass ved Norsk Spennbetong på Forsand. Og ein kamp for å få nok arbeidsfolk inn. 150 millionar kroner i omsetting kvart år. Ja, du las rett....

Skiftande stormkast for Bris

Skiftande stormkast for Bris

Det har vore ein heftig og bratt læringskurve, lange arbeidsdagar og mange nøgde kundar. Nå gler Yvonne Løkke Michalsen til å utvida staben i Bris, og satsa ytterlegare på design av beste merke frå Sauda. Ho er ei vassekte saudajente, er nå 33 år med mann og barn på...

Direktesendt quiz – sterk auke i sjåartal!

Direktesendt quiz – sterk auke i sjåartal!

Me elskar Ryfylkequiz. Men endå meir elskar me direktesendt Ryfylkequiz! Takka vera koronarestriksjonar, såg me oss nøydde for å senda quizfinalen 2020 digitalt. Denne direktesendinga av finalen i Ryfylkequizen vart ein enorm opptur! Superfinalen direkte frå Årdal,...

Pin It on Pinterest

Share This