Å, dette maset om pengar. Kvifor skal me bry oss når me er unge og impulsive. Vel, ungdomen i Ryfylke har retningssans og forståing for at det er smart å jobba, spara og tenkja langsiktig. Og rådgjevaren i banken er krystallklar på kva tips han har til dei unge. For eit stykke er det jo eit mål om å kunna eiga sitt eige husvære, og helst bu i Ryfylke. I Ryfylkepuls møter me også elevane ved Strand vidaregåande skule som frå hausten av skal byksa uti det nye og ukjente. Kanskje er studium i økonomi ein farbar veg. I alle tilfelle freistar det å koma tilbake til Ryfylke. Håvard Handeland har i alle fall bestemt seg, han har mønstra på i Sauda, skal koma tilbake som lege og etter kvart mønstra av.
Og visste du forresten at det er bra trøkk og godt driv når det gjeld bustadbygging og interesse for Ryfylke? Det slår både utbyggjaren og finansrådgjevaren fast, og det er mykje som lokkar med Ryfylke.
Den nyaste utgåva av vårt månadsmagasin ser du her. Og hugs: Ryfylkepuls kan du følgja på alle moglege digitale kanalar, i kort form, passe kort og litt lenger.
