Vårsprett i Ryfylke

apr 28, 2023 | Framside, Nyhende

Livsglede, engasjement, nytt liv, spenning og arbeidsglede. Ja, du kan knyta mange ord til våren i Ryfylke. Og du kan gleda deg over ei rykande fersk sending med Ryfylkepuls. Og nå pustar me vår. På alle moglege måtar. 

Me rammar inn sendinga vår i eit sauehus på Halsnøy. For mange i Ryfylke er vår nyfødde lam, vakenetter og slappe spenar. Men, våren er også tida der ungdomen skal gjera viktige val for hausten. Ja, finna læreplass eller søkja studieplass. Møt Noah som er stolt tømrarlærling og som stolt byggjer hus. Og Margrethe som drøymer om å bli politi på heimstaden. 

Reiselivet i regionen ser verkeleg fram til ein hektisk og spennande sesong. For korleis blir det med turismen i år? Me har menga oss med aktørane i Lysefjorden. Ein stolt ryfylking er klar for bryllaup og skal få kona frå Nord-Norge med inn til sitt kjære Ryfylke. Det blir vel suksess? Og den som skal ha suksess må øva. Det veit 15-åringane frå Suldal, som i fjor vann den store Ryfylkequizen. Dei har gode tips til årets åttandeklassingar, som snart skal ut i direktesendt TV-finale. Det er all grunn til å få vårstemning med Ryfylkepuls!

Den nyaste utgåva av vårt månadsmagasin ser du her:

Arkiv

Relaterte innlegg

Ung jobbrekruttering

Ung jobbrekruttering

Ungdom kan finna sine bedrifter og bedrifter kan finna sine ungdomar. Klar, ferdig, sommarjobb.no Ja, det er nettopp det sommarjobben.no går ut på - at bedrifter og ungdom kan finna kvarandre. For nokon må dekkja opp for tilsette som skal ha sommarferie, og mange...

Her er finalelaga

Her er finalelaga

Skulefinalane i Ryfylkequizen er utført, med spenning, engasjement og tårer. Me står att med 27 motiverte ungdomar, som skal til den store direktesende finalen i mai. Åttandeklassingar i heile Ryfylke har gjort ein iherdig innsats og tileigna seg mykje kunnskap om...

Ungdom i Ryfylke får gratis ungdomskort frå 1.april

Ungdom i Ryfylke får gratis ungdomskort frå 1.april

Ryfylkepuls har tatt pulsen blant Ryfylkeungdomen – kva synes dei om ordninga med gratis ungdomskort som snart skal tre i kraft? Vil det gjera at dei reiser meir? Er dette eit godt lokkemiddel for å få ungdom til å bu og studera i Ryfylke? Ein av dei me tok ein prat...

Pin It on Pinterest

Share This