Eit halvt poeng var det som skulle skilje 1. og 2. plass av årets quizfinale. Tau ungdomsskole trekte lengste strået og blei dermed vinnarar av årets Ryfylkequiz. Som alltid var nivået høgt og spenninga på topp. Me snakkar altså 58,5 av mogelege 65 poeng. WOW.
Linea Hustveit, Malena Løland og Knut Jesper Landa Bjørheim
Anna Ritland Hatleskog, Sigrid Næss og Maria Høllesli
Levi Warhaug, Josef Ulset og Liva Solbakken
Finalen 2023 gjekk føre seg i den flotte storsalen i Folkets Hus. Proff rigg, aktivt publikum og sylskarpe deltakarar var eit godt utgangspunkt for ein underhaldande formiddag i Sauda. For underhaldning skulle det bli. Etter at mange av skulane hadde vore og lukta på førsteplassen i løpet av sendinga, var det heimelaget Sauda som var i leiinga før poenga for siste oppgåve skulle delast ut.
Dette var ei oppgåve laga hadde løyst i starten av finalen, men poenga skulle delast ut heilt til slutt. Alt var framleis heilt ope. Nye og nye lag fekk sine poeng. Dermed var det nye og nye lag som tok leiinga. Etter Sand hadde fått sine poeng og låg på ein førebels førsteplass, var det to lag som venta på sine poeng. Det var Tau. Det var Sauda. Med eit halvt poeng i favør Sauda.
«Tau fekk 12 poeng». Tau fauk til topps. No var det opp til Sauda å matche Tau sine 12 av 12 mogelege poeng. Hadde dei klart det?
«Sauda fekk…»
Salen dirra av spenning.
«…11 poeng»
Dermed kunne «Taurarane», Anna Ritland Hatleskog, Sigrid Næss og Maria Høllesli, juble for siger og solide pengepremiar frå Hjelmeland Sparebank. Andre- og tredjeplassen mottok også pengepremiar, samt alle laga mottok stor applaus av publikum. Enorm innsats og kunnskapsnivå hjå samtlege.
Tusen takk for i år!
