Laurdag 15. oktober la 7000 menneske ut på verdas første undersjøiske halvmaraton, Ryfastløpet. Frå tunnelopninga på Våland i Stavanger, sprang løparane gjennom både Hundvågtunellen og Ryfylketunellen, før dei blei heia over målstreken av folkemengda på Solbakk i Strand. Men ikkje berre var det beinharde 21 kilometer som stod på programmet, Ryfast vart også innvia med rulleskiløp og barneløp. Tiril Eckhoff var ei av dei som kryssa mållinja etter å ha gått 4,5 km, med konstant stigning, på rulleski.
Alle løparar mottok medalje og diplom, men enkelte løparar fekk noko heilt spesiellt i tillegg. For Ryfylkealliansen har nemleg ein eigen ambassadør, Ryfylkesauen Egil. For å skape meir blest om både Egil og Ryfylke, blei det produsert ein eigen unik Egil-caps, som vart utdelt til Egil sine namnebrør.
